بنكيران "يفصح" أمناء الأحزاب الذين يبيعون التزكيات

23:05

بقلم: Touil Jalal

بنكيران "يفصح" أمناء الأحزاب الذين يبيعون التزكيات

خاطب عبد الإله ابن كيران، الأمين العام لحزب العدالة والتنمية ورئيس الحكومة السابق، أحمد فطري، الأمين العام السابق لحزب الوحدة والديمقراطية، الملتحق بحزب "المصباح"، بالقول: "بلغني عن أحدهم أنه كيطلب في تزكية واحدة 700 مليون سنتيم، عطاوه 500 مليون وقال لهم لا، إيوا شوف، لو حيدنا منها 11 مليون سنتيم (ديال أزمتك)، شوف شحال غادي يبقى لك".

وأضاف ابن كيران، خلال ندوة صحفية، أمس الأربعاء 13 ماي 2026، بالمقر المركزي للحزب بالرباط، حول أسباب استقالة أحمد فطري من حزب الوحدة والديمقراطية، وقبل حديثه عن قضية 700 مليون سنتيم مقابل التزكية الانتخابية، أن "هاد القضية ديال المعاناة السي أحمد، هي معاناة مستمرة، وأنت هاد المعاناة اللي عانيتيها هي شرف ووسام على صدرك وعلى صدر حزبك، وخا أن بعض الإخوان فيه ربما لم يقوموا بالواجب اللي كتقتضيه النضالية".

وشدد على أن: "فهذا وسام وشرف، علاش؟ لأنك السي أحمد لو كنت بغيتي تربح الفلوس، أولا تبيع التزكيات، أولا تعمل شي حاجة طايحة، كون راك حليتي هاد المشاكل ديالك، هاد المشاكل اللي غادي يكونوا كيضحكوا عليها الآخرين، حيت 11 مليون ونص هي اللي وحلاتك".

وأوضح أن "المهم، هادشي دابا معروف في المغرب وشائع كثير، كاينين الأحزاب اللي كياخدوا الفلوس باش يعطيو التزكيات، وكاينين الأحزاب اللي كيعطيو الفلوس لبعض الأشخاص، ولكن السي أحمد، العمل السياسي كان كيقول عليه المهدي بنبركة: "السياسة هي سياسة الحقيقة" (La politique c'est la politique de la vérité)".